बागलुङ, ३० कार्तिक । मानव सेवा आश्रम बागलुङ शाखाको भवन निर्माणका लागि आयोजना गरिएको श्रीमत भागवत ज्ञान विज्ञान महायज्ञमा नौँ करोड रुपैँया भन्दा बढि संकलन भएको छ ।
कात्तिक २१ गतेबाट बागलुङ नगरपालिका४ स्थित आश्रम निर्माणमा महायज्ञ शनिबार समापन सगैँ महायज्ञमा रु.९ करोड ६९ लाख संकलन भएको छ । कात्तिक २१ गतेबाट बागलुङ नगरपालिका–४ स्थित आश्रम निर्माणमा महायज्ञ शनिबार समापन गरिएको छ ।
शनिबारमात्रै रु. ७५ लाख संकलन भएको थियो । महायज्ञमा दानबिरहरुको उल्लेख्य सहभागिता रहेको पाइएको छ । महायज्ञमा शुक्रबार मात्रै रु. एक करोड ३४ लाख संकलन भएको थियो ।
यस्तै महायज्ञमा बिहिबार सबैभन्दा बढी रकम रु.एक करोड ६२ लाख संकलन भएको थियो । महायज्ञ आयोजक समितिका कोषाध्यक्ष सरिता गौतमका अनुसार महायज्ञमा १० करोड रकम संकलन गर्ने लक्ष्य राखिएकोमा लक्ष्यको नजिक पुगेको बताउँदै अझैपनि अनलाइनमार्फत सहयोग आउनेक्रम जारी रहेकाले रु.१० करोड पुग्ने बताउनुभयो । महायत्रमा हजारौ दानतादाहरुको सहयोग रहेको गौतमले बताउनुभयो । उहाँले बागलुङ, पर्वत, म्याग्दी लगायत देशका विभिन्न स्थानका साथै विदेशमा रहेका नेपालीहरूले अनलाइन (क्युआर)मार्फत समेत सहयोग गरिरहेको जानकारी दिनुभयो ।
महायज्ञमा शनिबार सबैभन्दा बढी रकम बागलुङ नगरपालिका–४ उपल्लाचौर निवासी ऋषिराम गौतम तथा सरिता गौतमले मानवसेवा आश्रम बागलुङ शाखाको भवन निर्माणका लागि रु. ६ लाख ९ हजार सहयोग प्रदान गर्नुभएको छ । शनिबार आश्रमका चार कोठा मिर्नाणका लागि एक मुष्ट २० लाख सहयोग प्राप्त भएको छ । आश्रम एक कोठा निर्माणका लागि रु. ५ लाख ११ हजार संस्थागत रुपमा समेत प्राप्त भएको थियो । महायज्ञमा पाँच हजार देखि १० लाख सम्म रकम दान संकलन भएको आश्रमले जनाएको छ । मानवीय सेवा सरिक हुँदै मनकारी दाताहरूले उत्साहपूर्ण सहयोग प्राप्त भइ महायज्ञ समापन गरिएको आश्रमका केन्द्रिय अध्यक्ष रामजी अधिकारीले जानकारी दिनुभयो ।
सडक आश्रित, असहाय, अपाङ्ग, मानसिक रोगी तथा घरबार बिहिन सडक मानवको पुनस्र्थापनाका लागि निर्माणाधीन आश्रम बागलुङको भवनमा सहयोग पुग्ने उद्देश्यले आयोजना गरिएको यस महायज्ञमा दाताहरूको उल्लेखनीय सहभागिता रहेको थियो । देश–विदेशमा रहेका बागलुङवासी, संघ–संस्था तथा सहयोगी व्यक्तिहरूले नगद, क्युआर कोड र अन्य माध्यममार्फत सहयोग प्रदान गरेका थिए ।
