बागलुङ, ८ माघ । बागलुङमा विद्यालय स्तरिय फुटबल प्रतियोगिता हुने भएको छ ।
चिल्ड्रेन लाइफ स्पोटर्स क्लबको आयोजनामा माघ ९ गते देखि १२ गते सम्म चौथो चिल्ड्रेन लाइफ कप हुने भएको क्लबले आज पत्रकार सम्मेलन जानकारी गराएको थियो ।
बागलुङ नगरपालिका–१ बाङ्गेचौर प्रतियोगिता संचालन हुने छ ।
प्रतियोगिताका लागि तयारी पूरा भएको क्लबका अध्यक्ष नवराज श्रेष्ठले जानकारी दिनुभयो । खेल मार्फत खेलाडिको प्रतिभा प्रस्फुटनमा टेवा पुग्ने उहाँले बताउनुभयो ।
प्रतियोगितामा बिजेता हुने टोलिलाई नगद रु ५५ हजार ५सय५५ ट्रफी मेडल र प्रमाण पत्र, उपबिजेता हुने टोलिलाई नगद रु ३३ हजार ३३३ सहित ट्रफी मेडल र प्रमाण पत्र प्राप्त गर्ने श्रेष्ठले बताउनुभयो ।
प्रतियोगिताको सेमिफाइनल खेलमामा पुगेर पराजित हुने दुई समुहलाई नगद रु १०÷१० हजार रुपियाँ उपलब्ध गराउने छ । प्रतियोगिताका लागि ५ देखि ६ लाख खर्च लाग्ने अनुमान गरिएको छभने विधागततर्फ बेष्ट प्लेयर, बेष्ट स्टाइगर, मिड फिल्डर, गोलकिपर, सर्वाधिक गोलकर्ता र उत्कृष्ट दर्शकलाई पनि पुरस्कृत गरिने श्रेष्ठले बताउनुभयो ।
प्रतियोगितामा नगरपालिका १२ वटा टिम सहभागी हुने क्लबले जनाएको छ ।
