बागलुङ , २४ पौष । बागलुङमा जीवन शर्मा साँझको तयारी तीब्र पारिएको छ । प्रगतिशिल लेखक संघ बागलुङद्धारा आयोजना गरिएको जीवन शर्मा सांस्कृतिक साँझ आगामी माघ २४ गते हुदैँछ ।
साँझका लागि विभिन्न उपसमिति गठन
एकल साँझ गर्न गत पुस १६ गते प्रगतिशील विचार राख्ने लेखकको सर्वपक्षीय भेलाले प्रगतिशिल लेखक संघ बागलुङ विजय रानाको संयोजकत्वमा मूल समिति गठन गरेको थियो । मूल समितिको बैठकले आर्थिक, प्रचारप्रसार, टिकट व्यवस्थापन, मञ्च तथा प्राविधिक, स्वयंमसेवक तथा सुरक्षा र फोटो भिडियो उपसमिति गठन गरेको रानाले बताए ।
आर्थिक उपसमितिको संयोजकमा विनोद प्रतिक थापा, सदस्यमा तारानाथ आचार्य र रेजिना खत्री, प्रचारप्रसार उपसमितिको संयोजकमा खेमराज गौतम सुवास, सदस्यहरुमा ताराप्रसाद शर्मा र यमबहादुर थापा, टिकट व्यवस्थापन उपसमितिको संयोजकमा आश्विन शेख, सदस्यहरुमा घनश्याम कँडेल र अमृत सापकोटा रहेका छन् । एकल साँझका लागि ६ लाख रुपैयाँ खर्च अनुमान गरिएको तथा विभिन्न प्रायोजक, स्थानीय तह, टिकट, संघसंस्थाबाट आर्थिक संकलन गरि कार्यक्रम गर्ने तयारी गरिएको आयोजकले बताएको छ ।
बागलुङको जैमिनी नगरपालिका –९ राङखानी निवासी शर्माले लामो समयदेखि गरिब दुःखी, निमुखा, मजदुर किसानको पक्षमा र विकृति विसंगति, महँगी र भ्रष्टचारविरुद्धमा गीत संगीतमार्फत आवाज उठाउँदै आएका छन् ।
