नेपाल सञ्चार, पाेखरा २६ भदौ । पोखरामा एक निर्माण व्यवसायीलाई अपहरण गरेको आरोपमा प्रहरीले ४ जनालाई पक्राउ गरेको छ । पोखरा – ६ लेकसाइडका निर्माण व्यवसायीको अपहरणमा संलग्न रहेको आरोपमा पोखरा – १५ का ४२ बर्षीय गौतम थापा, पोखरा – २ अर्चलबोटका ३४ बर्षीय रोहीत सुनार, पोखरा – ८ बस्ने ५० बर्षीय बासुदेब पोखरेल र पोखरा १० का ५४ बर्षीय प्रेम बहादुर थापालाई कास्की प्रहरीले पक्राउ गरेको हो ।
व्यवसायी रत्न बहादुर कार्कीलाई बुधवार बिहान करिव ११ बजेको समयमा अपहरणकारीले नयाँबजार स्थित सामुदायिक सेवा केन्द्र जिसस कार्यालय भवन अगाडीको सडकबाट अपहरण गरेको कास्की प्रहरी प्रवक्ता राजकुमार केसीले जानकारी दिए । अपहरणकारीले व्यवसायी कार्कीलाई जवरजस्ती गाडीमा राखेर मोटरसाइकलले स्कटिङ गरी अपहरण गरी लगेकोमा पोखरा – ९ शान्तिवन स्थित निर्माण ब्यवसायी समितिको कम्पाउण्ड भित्रबाट ११:३० मा उद्धार गरीएको प्रवक्ता केसीले बताए ।
व्यवसायीलाई स्वास्थ उपचारको लागी पोखरा स्वास्थ्य विज्ञान प्रतिष्ठान पोखरामा पठाइएकोमा निजको स्वास्थ्य अबस्था हाल सामान्य रहेको प्रहरीले जनाएको छ । प्रहरीले अपहरण गर्न प्रयोग गरीएका सबारी साधनहरु \ नियन्त्रणमा लिएको र अपहरणकारीहरुलाई कारवाहीको लागि कानुनि पक्रिया अगाडी बढाएको जनाएको छ ।
