बागलुङ /बागलुङ नगरपालिकाको आयोजनामा शुक्रबारदेखि छैठौ राष्ट्रपति कप खेलकुद प्रतियोगिता शुरु भएको छ । नगरप्रमुख बसन्तकुमार श्रेष्ठले प्रतियोगिताको शुभारम्भ गरे ।
श्रेष्ठले खेलकुदले राष्ट्रकै मानसम्मान बढाउने भन्दै बिद्यालय तहबाटै बालबालिकालाई खेल क्षेत्रमा आर्कषित गर्नुपर्ने बताए ।उनले युवा पलायनकालागि पनि खेलक्षेत्र उत्तिकै महत्वको भएको बताए । ‘राम्रो खेलाडी उत्पादन गर्दा हामी अन्तराष्ट्रिय जगतमा चिनिन सक्छौं’ उनले भने, ‘नैतिक शिक्षाका लागि पनि खेल क्षेत्र महत्वपूर्ण छ ।
कार्यक्रममा सहायक प्रमुख जिल्ला अधिकारी चित्राङगत बराल, वडा नं. १ का अध्यक्ष जयबहादुर केसीले बोलेका थिए । प्रमुख प्रशासकीय अधिकृत हरिदत्त कंडेलको अध्यक्षता, शिक्षा अधिकृत गौरव राना र रचना आचार्यको संचालन र नगर शिक्षा अधिकारी धनप्रसाद पोखरेलको स्वागतमा उदघाटन कार्यक्रम सम्पन्न भएको थियो ।
उक्त अबसरमा बागलुङको बिद्यामन्दिर, धवलागिरि बिरेन्द्र, रुद्रेपिपल, कालिका कन्या माबि र प्याब्सनको तर्फबाट सामुहिक नृत्य प्रस्तुत गरिएको थियो । एनप्याब्सनले भने मुना मदन गीति नाटक प्रस्तुत गरेको थियो । प्रतियोगितामा ३७ बिद्यालयका १ हजार ५ सय बिद्यार्थी खेलाडी सहभागि रहेका छन् ।
एथलेटिक्सका १२ पदकको नतिजा
शुक्रबार भएको खेल छात्र १ हजार ५ सय मिटर दौडमा सिमाना मावि तित्याङका रबी विकले निर्धारित दुरी ५ मिनेट ४ सेकेन्डमा पार गरेर स्वर्ण पदक जितेका छन् । सोही दुरी विद्यामन्दिर मानिका सागर नेपालीले ५ मिनेट १५ सेकेन्डमा पार गरेर रजत र चिल्ड्रेन लाइफ आवासीय मानिका आमोद जिसीले ५ मिनेट ३५ सेकेन्डमा दुरी पार गरेर कास्य पदक पाए ।
छात्रा १ हजार ५ सय मिटर दौड तर्फ मुलपानि माबिकी मनीषा दर्जीले ६ मिनेट ४० सेकेन्डमा निर्धारित दुरी पार गरेर स्वर्ण पदक जितिन् । गणेश माबिकी सनम शाहनीले ६ मिनेट ५३ सेकेन्डमा दुरी पार गरेर रजत र चिल्ड्रेन लाइफकी अंशु गिरीले ७ मिनेट ६ सेकेन्डमा दुरी पार गरेर कास्य पदक पाइन् ।
१ सय मिटर दौडमा छात्र र छात्रा दुवै गणेश माबिले स्वर्ण पदक जितेको छ । छात्र तर्फ गणेश मानिका प्रतिक थापाले स्वर्ण जितेका हुन् । अमर आदर्शका उज्वल रुचालले रजत र न्यू एभरेण्ट एकेडेमीका प्रदिप परियारले कास्य पदक जिते । त्यस्तै छात्रा तर्फ गणेश माबिकी पुनम पौडेलले स्वर्ण, चिल्ड्रेन लाइफकी रिवा ठकुरीले रजत र युएस एकेडेमीकी साधना आचार्यले कास्य पदक जितिन् । नगरप्रमुख बसन्तकुमार श्रेष्ठले बिजयी खेलाडीलाई पदक बितरण गरेका थिए । भलिबलमा चार खेल सम्पन्न छैठौ राष्ट्रपति रनिङ शिल्ड प्रतियोगिताको पहिलो दिन शुक्रवार भलिबलका ४ खेल सम्पन्न भएका छन् ।
पहिलो खेल न्यु ओएसिस माबिले कालीका कन्या माबिलाई सोझो दुइ सेटमा पराजित ग¥यो । न्यु ओएसिसले २५–१७ र २५–१५ को सेटमा खेल जितेको थियो । दोश्रो खेलमा कुडुले माबिलाई हराएर धवलागिरि बिरेन्द्र मावि बिजयी भयो । धवलागिरी बिरेन्द्र माबिले २५–१३ र २५–९ को सेटमा जित हात पारेको थियो । त्यस्तै होलीचाइल्ड बोर्डिङ स्कुलले न्यू एभरेष्ट एकेडेमीलाई पनि सोझो दुइ सेटमा पराजित ग¥यो । होलीचाइल्डले २५–८ र २५–६ को सेटमा खेल जितेको थियो । चौथो खेलमा रुद्रे पिपल माबिले तितौरे माबिलाई पराजित ग¥यो । रुद्रे पिपलले २५–१९ र २५–१२ को सेटमा खेल जितेको हो ।
तीन दिन सम्म चल्ने खेल प्रतियोगितामा ७० इभेन्टका ५ सय मेडलका लागि १ हजार ५ सय खेलाडीले भाग लिएका थिए । शनिबार छात्रछात्रा तर्फका भलिबल खेल हुनेछन् । भलिबल प्रतियोगिताका लागि छात्रातर्फ ९ र छात्र तर्फ २० टिम छन् । खेलका लागि नगरपालिकाले ८ लाख रुपैयाँ बिनियोजन गरेको थियो ।
