बागलुङ/बागलुङ प्रथम सनराइज कप अन्तर विद्यालय स्तरीय अन्डर ८ कक्षा फुटसल प्रतियोगिताको उपाधि गुराँस विद्या सदनले चुमेको छ ।
सोमबार सम्पन्न फाइनल खेलमा गुराँसले आयोजक सनराइज बोर्डिङ माविलाई ७–२ गोल अन्तरले पराजित गर्दै उपाधि चुमेको हो ।
उपाधि विजेता गुराँसले नगद १० हजार रुपैयाँ प्राप्त गर्यो भने उपविजेता सनराइजले पाँच हजार रुपैयाँ प्राप्त गरेको छ । सनराइज बोर्डिङ माविले आयोजना गरेको प्रतियोगिता आईतबार र सोमबार सञ्चालन भएको थियो ।
