विनोद थापा, बागलुङ
९ भदौ । जिल्लाको निसीखोला गाउँपालिका वडा नं ३ बोहरागाउँमा पर्ने २ झरना प्रचार अभावमा गुमनाम अवस्थामा छन् ।
समुद्री सतहबाट करिव दुई हजार पाँच सय मिटर उचाईमा रहेको दात छहरा झरना र महभिर झरना अग्ला पहाडको चट्टानबाट झर्ने गर्दछन् । झरनाको वरपर घनाजंगल र हरियाली वातावरणले झन् उक्त झरनालाई सुन्दरता थपेको छ । तर उक्त स्थान सम्म पुग्नको लागि सहज सडकको पहुच छैन साथै प्रचार नहुदा भने झरना गुमनाम अवस्थामा छ ।
स्थानिय सूर्य प्राथमिक विद्यालय निसीखोला ३ याङ्म्याङका प्राधानध्यपक निरज शाहीले धेरै पटक झरनालाई पुर्वधार निमार्ण तथा योजना बनाएर लाग्नु पर्ने सुझाव सरोकारवाला लाई दिए पनि संम्बोधन हुन नसकेको प्रति गुनासो व्यक्त गर्नु भएको छ । झरनामा घुम्न पुग्नु भएका स्थानिय सुरज रसाईलीले झरना सुन्दर रहेको र झरनाको प्रचार गर्न स्थानिय सरकारले सडक पहुच र केही पुर्वधार निमार्ण गर्नु पर्ने बताउनु भएको छ । बुर्तिबाङ बाट झरना घुम्न पुग्नु भएका हेम राज थापाले यस क्षेत्रको पर्यटकिय क्षेत्रको लागि प्रचुर सम्भावना रहेको प्रतिक्रिया दिनुभएको छ । स्थानिय सुदिप परियारले आफ्नै ठाउँ नजिक भएको भय पनि पहिलो पटक पुगेको र सोचेको भन्दा निकैनै उत्कृष्ट भएको प्रतिक्रिया दिनु भएको छ ।
निसीखोला गाउँपालिका वडा नं ३ का वडा अध्यक्ष रमेश विक्रम शाहीले झरनाको सम्भाव्यता अध्यनको लागि वडाको टोली पुगेको र आउदो आर्थिक वर्षमा यसलाई पर्यटकिय क्षेत्रको रुपमा विकास गर्नको लागि वडाले महत्वपुर्ण स्थानमा राख्ने बताउनुभएको छ । “आफ्नो वडाको पर्यटकिय क्षेत्रको प्रचार गर्ने मन मेरो पनि हो तर वडामा भनेको जस्तो वजेट छैन तर पनि हामिले जति सकिन्छ त्यती नै गर्नेहो आगामी कार्यक्रममा समेटेर काम गर्ने योजना छ ” वडा अध्यक्ष शाहीले भन्नु भयो ।
