फुकुओका, जापान ।“सक्छौ रेमिट गर, सक्दैनौ हुन्डी नगर” भन्ने मूल नारासहित बागलुङ समाज जापान क्षेत्रीय समिति क्युशुले नेपालि महिलाहरूको महान् चाड हरितालिका तीज पर्वलाई विशेष सांस्कृतिक कार्यक्रमसहित मनाउने भएको छ।
आयोजक समितिका अनुसार कार्यक्रम अगष्ट 25, 2025 का दिन फुकुओका शहरमा आयोजना हुनेछ। कार्यक्रममा सहभागी दिदीबहिनीहरूले दर खाने, तीजका भाका गाउने तथा विभिन्न सांगीतिक प्रस्तुति र नृत्यमार्फत् पर्वलाई उल्लासपूर्ण ढंगले मनाउने तयारी गरिएको छ।
📍 स्थान: 〒810-0041 福岡県福岡市中央区大名２丁目９−20
⏰ समय: ढोका खुल्ने 16:30, कार्यक्रम 17:00–22:00
सहभागिता निःशुल्क रहने यो कार्यक्रममा क्युशु क्षेत्रका साथै जापानभर रहेका नेपालीहरूलाई उपस्थित रहन आग्रह गरिएको छ।
बागलुङ समाज जापान क्षेत्रीय समिति क्युशुका अध्यक्ष मदन शर्मा पौडेलले “नेपाल र जापानमा बसोबास गर्ने नेपालीबीच एकता, भातृत्व र मित्रता बढाउँदै आफ्नो संस्कृति जगेर्ना गर्ने उद्देश्यले यो कार्यक्रम आयोजना गरिएको” बताए।
