बागलुङ , १७ पौष । बागलुङमा तथ्याङ्क दिवसको अवसरमा चार जनालाई सम्मान गरिएको छ । तथ्यांक समन्वय कार्यालय बागलुङले तथ्यांक दिवस २०८२ को अवसरमा कृषक, व्यवसायी र कर्मचारीलाई सम्मान गरेको हो ।
कार्यक्रमको उद्घाटन पछि बोल्दै जिल्ला समन्वय समिती बागलुङका प्रमुख अमर बहादुर थापाले तथ्यांकलाई आधार मानेर काम गर्न पर्ने बताउनुभयो । हरेक व्यक्तिलाई तथ्यांक राज्यले दिन सकेमा देश समृद्धि हुने उहाँले बताउनुभयो ।
तथ्याङ्क दिवसको अवसरमा बागलुङमा उत्कृष्ट तथ्याङ प्रदान गर्ने कृषक, व्यापारीका साथै उत्कृष्ट सेवा प्रदान गर्ने कर्मचारीलाई सम्मान गरिएको छ । जसमा कृषक चन्द्र प्रसाद शर्मा, व्यवसायी ज्ञालेक्सी हार्डवयरका सञ्चालक लक्ष्मण खत्री, तथ्याङ्क समन्वय कार्यालयका सुपरिवेक्षक हरि प्रसाद शर्मा र निजामती सेवामा २५ वर्ष भन्दा बढी काम गरेकामा २७ वर्ष पूरा गरेका नागेन्द्र प्रसाद यादवलाई नगद रु .चार/चार हजार, प्रमाण पत्र र दोशल्ला सहितले सम्मान गरिएको थियो ।
सम्मानितको तर्फबाट बाेल्दै ज्ञालेक्सी हार्डवयरका सञ्चालक लक्ष्मण खत्रीले आधिकारिक तथ्याङ्कले देश विकासमा टेवा पुग्ने उहाँले बताउनुभयो ।
सहायक क्याम्पस प्रमुख डिल्लिराज गौतम ,नेपाल पत्रकार महासंघ बागलुङका अध्यक्ष राम थापा , जिल्ला प्रशासन कार्यलय बागलुङका प्रमुख जिल्ला अधिकारी कुमान सिंहले शुभकामना मन्तव्य राखेका थिए ।
कार्यालय निमित्त कार्यालय प्रमुख चन्द्रकान्त सुवेदीकाे अध्यक्षता ,तथ्याङ्क अधिकृत नगेन्द्र प्रसाद यादवकाे स्वागत नारायण पौडेलको सञ्चालनमा सम्पन्न भएको थियो ।
