पोखरा, असाेज २ गते । पोखरा स्थिन बुढीबजार लेखनाथ सिटी हस्पिटलले २४ सै घण्टा एम्बुलेन्स सेवा शुभारम्भ गरेको छ । ङ्यो तमु धि लेखनाथको सहकार्यमा हस्पिटलले एम्बुलेन्स सेवा सुरु गरेको हो । हस्पिटलका कार्यकारी निर्देशक उदिपराज ढुङ्गाना र ङ्यो तमु धि लेखनाथका अध्यक्ष मनबहादुर गुरुङ्ले संयुक्त हस्ताक्षर गर्दै सो सेवाको शुभारम्भ गरेका हुन् ।
पोखरा र आसपासका बिरामीहरुलाई अझै उत्कृष्ट सेवा तथा सहज सुबिधा प्रदान गर्नको लागि हस्पिटलले ङ्यो तमु धिको सहकार्यमा २४ सै घण्टा एम्बुलेन्स सेवा शुरु गरेको कार्यकारी निर्देशक ढुङ्गाना ले बताएका छन् । सामाजिक कार्यमा अग्रसर ङ्यो तमु धि लेखनाथका अध्यक्ष गुरुङले लेखनाथ सिटि हस्पिटलसँगको सहकार्यमा सञ्चालित एम्बुलेन्स सेवाले टाढाका विरामीलाई सहज हुने बताउनुभयो ।
