बागलुङ, १४ पौष । पर्वत समाज कतारको सातौँ अधिवेशनबाट सन्तोष क्षत्री ‘ओम’ अध्यक्षमा निर्वाचित हुनुभएको छ ।
२० डिसेम्बरमा कतारको सनैयामा सम्पन्न अधिवेशनले क्षत्रीको अध्यक्षतामा १० सदस्यिय नयाँ कार्यसमित सर्वसम्मत चयन गरेको हो ।
समाजको उपाध्यक्षमा टिकाराम भुसाल र भिमकान्त पौडेल निर्वाचित हुनु भएको छ । सचिवमा सेवक विश्वकर्मा र कोषाध्यक्षमा महेन्द्र चालिसे निर्वाचित हुनु भएको छ ।
त्यसैगरी समाजको सदस्यमा सागर विश्वकर्मा, सुमन थापा, नरबहादुर विश्वकर्मा(कुमार), प्रकाश परियार र चिरञ्जिवी पौडेल निर्वाचित हुनु भएको हो ।
विविध साँस्कृतीक कार्यक्रम सहित २२ औँ स्थापना दिवस र सातौँ अधिवेशन सम्पन्न गरेको समाजले क्षत्रीको अध्यक्षतामा निर्वाचित भएको नयाँ कार्यसमितिको सपथ भने २७ तारिकमा सम्पन्न गरेको छ ।
निर्वाचन समितिका संयोजक छविलाल भट्टराईले नवनिर्वाचित अध्यक्ष पदाधिकारी र सदस्यलाई सपथ ग्रहण गराउनु भएको थियो ।
अध्यक्षको कार्यभार सम्हालेका क्षत्रीले पर्वत समाजका अग्रज, अनुज र समाकालिन साथिहरुको सल्लाह सुझाव र मार्ग दर्शन अनुसारनै समाजका गतिविधिलाई अगाडी बढाउने बताउनु भएको थियो । वैदेशिक रोजगारीको शिलशिलमा कतार पुगेका पर्वतेहरुको समेत राय र सल्लाह सुझाव लिने भन्दै उहाँले सबैलाई साथमा लिएर अगाडी बढ्ने बताउनु भयो ।
सन् २००३ मा स्थापना भएको समाजले विभिन्न सामाजिक काम गर्दै आएको छ । सपथ ग्रहण कार्यक्रममा संस्थापक अध्यक्ष प्रताप गिरी, पूर्व अध्यक्ष श्यामलाल न्यौपाने, निर्वतमान अध्यक्ष रघुनाथ शर्मा, संस्थापक सदस्यहरु, पूर्व पादाधिकारी लगाएतको उपस्थिती रहेको थियो ।
