काठमाडाै, बैशाख २४ गते । सत्तारुढ नेपाल कम्युनिष्ट पार्टी (नेकपा) को स्थायी कमिटी बैठक नै अनिश्चित भएको छ। बालुवाटारमा गत शनिबार बसेको सचिवालयले वैशाख २५ गते स्थायी कमिटी बैठक डाकेको थियो। बैठककाे तयारीका लागि बुधबार बसेकाे सचिवालय बैठकले अध्यक्षद्धय केपी शर्मा अोली र पुष्पकमल दाहाल प्रचण्डले बैठककाे कार्यसूचीका बारेमा छलफलमा रहेकाले स्थायी कमिटी बैठक अनिश्चित बनेकाे हाे ।
बुधबारकाे सचिवालय बैठकपछि पार्टी प्रवत्त नारायणकाजी श्रेष्ठले बैठक बस्ने नबस्नेबारेमा अहिले दुईजना अध्यक्ष बालुवाटारमै छलफलमा रहेकाे जानकारी दिनुभयाे । ‘दुई अध्यक्षको छलफलपछि बैठकबारे ठोस निर्णय आउनेछ। दुई अध्यक्षबीच बैठकको टुंगो र त्यसका एजेण्डा तय गर्न अहिले छलफल भइरहेको छ।’ श्रेष्ठले भन्नुभयाे ।
सचिवालय बैठक चलिरहदा प्रधानमन्त्री ओली बैठक छाडेर आराम गर्न निस्कनुभएकाे थियाे । ्प्रवत्ता श्रेष्ठले प्रधानमन्त्री ओलीकाे अन्य व्यस्तता, स्वास्थ्य लगायतका कारणले बैठकलाइ जानकारी गराएरै बैठकबाट बाहिरिनु भएकाे जानकारी दिनुभयाे । बालुवाटारमा उपस्थित पत्रकारहरुले स्थायी कमिटी बैठककाे अन्याैलताबारे साेधिएकाे प्रश्नमा प्रवत्ता श्रेष्ठले दुइ अध्यक्षबीच अहिलेपनि छलफल भइरहेकाले साेही अनुसार कार्यसूची तय हुने जानकारी दिनुभएकाे थियाे ।
